Archive for the ‘Thank yous’ Category

“Will you be my Bridesmaid/Bridesman/Maid of Honor?”

“Will you be our Wedding Church Ceremony Choir Singer?”

買裙買到有錢賺

 

終於講到我今次買影相嘅衫嘅高潮位喇!

 

淘寶買裙

 

話說我今次影相同我個 image stylist 一致決定咗會有七個造型,兩個人總共加埋十四套衫仲未計首飾同鞋。所以為咗荷包著想,唔少嘅 wardrobe 會喺淘寶搞掂,其中就有我嗰幾條裙喇。

 

我用咗幾晚喺淘寶揾好晒我鍾意嘅裙,就 send 晒俾 Jammie 篩選。最後決定要訂做兩條旗袍、一條婚紗、一條晚裝同買一條現成嘅 casual wear 。 當時候係三月頭,我仲有一個月先要去影相。時間話多唔多、話少唔少,所以我都同每個賣家講清楚我要三月第三個禮拜就收到貨。到時後利發嗰邊用兩、三日時間發落嚟香港俾我,我喺香港仲有時間改。一路等呀等,終於等到三月第三個禮拜。根據運單編號所顯示,所有賣家嘅衫都到晒利發嗰邊,除咗條晚裝裙。

 

心愛的蝦肉雅典娜

 

其實我揀到嗰條晚裝裙都幾唔簡單。好多人好有心機出去試衫,譬如我今晚同個朋友食飯,佢同我講總共試過嘅婚紗有五十幾、六十幾條!而我都唔輸蝕,分別在於我足不出戶,但喺淘寶睇咗成千條裙都有。而呢千條裙裡面竟然只有一條我係非常之鍾意。當我知道呢條雅典娜風格嘅晚裝裙係可以訂做,我就根據佢地提供嘅相揀咗蝦肉色同俾埋晒我嘅尺碼俾佢地幫我做條裙。同其他賣家一樣,呢個賣家都話可以三個禮拜內可以起貨。

 

 

當我其他裙都一條一條咁到咗利發,唯獨是係晚裝裙連貨都未發,我當然即刻問個賣家。佢都唔算覆得慢,但係佢就話裙已經寄出咗,不過運單號碼唔喺手,要轉頭先可以俾我。如是者佢每一次都係咁講,我等吓等吓就過咗幾日。個賣家竟然突然同我講話原來佢個同事搞錯咗。佢話條裙其實做錯咗色,我將會收到嗰條嘅顏色同尺碼都係錯嘅,問我可唔可以要。如果唔可以就即刻做過條俾我,並可以第二日即刻發順丰俾我,而當我收到條裙嘅話就退返俾佢地咁話。問題係佢同我講發俾我條裙係我最驚嘅粉紅色,所以我同佢講我唔可以要。況且尺碼都唔啱。我計一計,時間都仲可以等,咁我就同佢講叫佢即刻開始做過條俾我,我等佢。

 

到第二晚,佢就同我話條裙已經做好咗,已經發咗貨,話會第二朝俾個運單號碼俾我。我聽到都放咗半個心。但因為我自己都好忙,有好多臨飛前嘅嘢要搞,所以最後無追佢攞單號,諗住今次應該無甩拖啦。又過咗幾日,我問過利發都係無嘢到,於是我突然心知不妙,即刻旺旺個賣家。回覆我個人話自己係小二唔知乜事,但係竟然立刻退款俾我。我初初收到個退款收得好爽,但係就醒起退咗款我就唔可以用俾差評嚟威脅佢,覺得蠢咗,於是乎我立刻打長途俾個賣家。

 

淘寶神經刀

 

就係呢個時候個賣家帶嚟一個比噩夢更恐怖嘅消息。佢話原來其實佢地一直都無做起過條裙,因為佢地買唔到我想要嗰隻蝦肉色布,仲一直喺度揾緊。唔係做衫嘅我都知,嗰種嘅紗係好普通嘅姊妹裙質地,週圍都揾得到。我真係唔知佢發緊乜嘢噏風!總之呢個消息嚟得太突然,同埋我已經時間無多,我當場控制唔到喺個電話度鬧到佢飛起。而最奇怪嘅事終就係喺呢一刻發生。當我喺度鬧爆佢時,話我無衫去影相(我之前有同佢講話件衫係影相用),佢話佢已經退返錢俾我啦!我話你退錢俾我有鬼用,我咁嘅尺寸突然間去邊度買現成衫??雖然我鬧到成個癲婆咁,但佢無收線不特止,仲答應話今次真係會即刻做起條裙俾我,然後立刻發俾我。但我當然無可能再信佢!佢竟然同我話佢會發啲錢過嚟俾我,如果我收唔到條裙就攞啲錢去買過條裙,仲問我要幾多錢!我大佢話要條裙一倍嘅價錢 600 蚊,並真心同意佢話如果我一收到條裙就會即刻退返錢俾佢。注意我係真心答應佢,因為嗰一刻 I really cared about getting the dress more than anything else。個賣家竟然真係立刻喺個電腦度過錢俾我,重要過完先收線。其實佢真係可以一早收我線,因為我都已經唔可以俾差評佢,佢亦知我喺香港,做唔到啲乜。我真係用盡我不俗嘅偵探頭腦都諗唔明呢位神經刀諗緊乜!

 

最後當然條裙係無嚟到。我喺淘寶買嘢都算係老手,接觸無一千都有幾百個賣家,卻從來未遇過一個咁厚顏無恥地吹水同老作嘅賣家。雖然佢最後係賠錢俾我,我亦好開心,但不得不承認呢個實在係一個非常莫名其妙嘅賣家,零願賠 600 蚊人民幣俾我都唔肯趕少少做起條裙俾我。咁我亦唯有收下佢嘅「好意」。咁到底最後我搞唔搞得掂我條晚裝裙呢?

 

破釜沈舟之百利一戰

 

我同個賣家開拖嗰日已經係禮拜一,而我係禮拜三飛。時間無多,我唯有週圍問人邊度有多啲款、多啲尺碼嘅裙俾我揀。最後我決定咗去百利。其實我已經無諗住喺香港咁少時間可以 600 幾蚊搞掂到一條晚裝裙,揾到已經偷笑,重邊有資格睇價錢?我去到百利,一層一層咁行,有啲款同尺碼好似可以,但係一試上身都係唔得。最後行晒三層,乜嘢都買唔到,嗰一刻任何危機都唔怕嘅我覺得前所未有嘅徬徨。陪住我嘅老番,唯有陪我從三樓開始掉轉頭再行一次。

 

其實行多一次啲裙同舖頭都唔會唔同晒,所以好多基本入都唔駛再入去睇。不過當我行落到一樓,我入返去一間之前有入過去睇嘅舖頭。其實佢唔係啲衫唔得,而係我第一次入去嘅時候都無點睇,個老闆娘答乜都寸寸貢,我都無意思繼續睇落去。今次行返轉頭,因為真係行完成個場都無收穫,唯有死死地氣入去睇多次。當我喺度撥開喺個架啲密質質嘅裙逐條睇嘅時候,我霎眼望到啲裙下面打橫放嘅兩張長櫈仔。我突然醒起一個畫面,然後我問個老闆娘:「呢度係咪 Yvonne 嘅舖頭呀?」而個老闆娘就話「我咪 Yvonne 攞!你係邊個呀?」

 

再見舊友感觸萬千

 

之後接住嘅就係一番好感觸同興奮嘅相認。故事係咁嘅,話說我中學時期有一位同學喺百利度揾咗一份暑期工,就係 exactly 呢一間舖頭做 sales 喇。而我地幾個同學會成日落去陪吓佢坐、陪吓佢傾計咁,而我地就正正係成日坐喺呢兩張長櫈度。隔咗咁多年,我地一個二個都大晒,亦好耐無落百利。但係估唔到 Yvonne 一直仲搞緊間舖,繼續幫人做裙,而兩張長櫈亦一直源用至今!

 

相認過後 Yvonne 亦抹走咗之前怕我係混吉人嘅防衛心,好俾心機好專業咁幫我。我同佢娓娓道來我單淘寶奇聞,佢亦同我講只要我係揀佢地手頭上嘅款,佢就可以 24 小時起到條裙俾我,仲係只需要 500 蚊!但係因為我之前心裡面一直都諗住條蝦肉色裙係一定得,所以都無諗過我仲可以著咩款,所以呢一刻佢問我想要咩款我都唔識答佢。最後都係由 Yvonne 幫我揀款同顏色。佢建議咗一條會著得我瘦同埋影相會靚嘅珊瑚紅色俾我。同埋佢為咗等條裙顯得高貴啲,仲免費送條閃石俾我釘喺上面用。決定好晒啲嘢之後 Yvonne 答應我 24 小時內一定可以做起,叫我第日五點上去攞!竟然喺 last minute 彈出一個 reconnect 同一個咁好嘅解決辦法,令我舒一口氣放心晒之餘,亦不得不承認實在太戲劇性!

 

危機修復

 

再重申一次,嗰日係禮拜一,我地禮拜三一早就要飛。之前就係為咗等條蝦肉色晚裝搞到其他所有衫禮拜一先到香港,mun 到呢……! 本來禮拜一係應該要攞兩條太窄嘅旗袍出去放,但係實在係補買條晚裝裙緊要啲,所以我亦無時間理啲旗袍住。喺禮拜二嗰朝我問到有朋友話百利有間改衫好出名嘅,於是禮拜二我地帶埋啲旗袍去百利,一次過改埋同 pick up Yvonne 條裙。條裙試上身,覺得 Yvonne 講得無錯,呢個款同呢隻色真係好顯瘦哦!!!我同老番都好鍾意、好滿意!:D Yvonne 真係實實在在咁救咗我地一命!

 

 

改衫方面,因為個裁縫得一對手,淨係可以幫我改一件旗袍。咁我情急底下,諗到個方法,就係揾佢隔離嗰間幫我改另外嗰條。當我等緊啲旗袍嘅時候就上返一樓上去做一樣我一路要做但係都無時間做嘅嘢--就係修甲。最後啲衫改好晒,fit 晒,我啲手甲都靚晒!我地就一抽二袋咁去同 wholala 家人食晚飯。雖然遲咗成個鐘,但係佢地都知道我地第二日要飛,好多手尾要搞,所以都好體諒我地!

 

The happiest ending…and beginning

 

最完美嘅係,本來約唔到俾 Jammie 睇嘅 final fitting 都喺嗰晚搞掂埋。食完飯佢上我地屋企幫我地 confirm 晒所有配搭,即係呢件西裝襯我呢條裙,同埋配呢對鞋同呢啲首飾。其實佢第二朝一早都要上機去台北,但係佢冒死都嚟幫我地 check 埋啲嘢。全靠佢嘅犧牲,令我地可以好有信心、好安心咁對住啲鏡頭,啲相效果出到嚟好好佢絕對應記一功! 真係要同 Jammie 講多幾百次多謝都唔夠!

 

喺最後一日我地竟然可以一樣不漏咁搞掂晒所有嘢,個賣家肯退返條裙嘅錢俾我不特止,仲肯倒賠 600蚊人民幣俾我。而我只係 500 蚊港紙就可以買返一條好鍾意嘅裙!真係要恕我有以下嘅結論--幫 wedding 買衫買到有錢賺,邊個夠我嚟??

 

曼谷結婚相夢幻團隊

 

籌備經月嘅呢個曼谷結婚相之旅終於完成,我地終於搞掂晒所有嘢返咗嚟。如果要 share 所有喺嗰邊發生嘅嘢,真係寫到十月一號,仲要日日寫,都寫唔完!

 

雖則係咁,但係今次經歷實在好難忘,我地都覺得好有需要紀錄底起啲細節,希望第時都可以睇返、重溫返、回味返。

 

總括嚟講成個旅程我地係極之感恩。我地知道搞一個婚禮可以有萬般阻濟同 frustration,當然我地去到嗰邊都係有遇到小小困難,但係整體嚟講絕對係好開心、好順利!以下就係每一個範疇一啲好想同大家分享嘅重點。

 

通訊篇

 

首先我地今次好順利喺機場買到連 data plan 嘅 sim card, 個 plan 繼續係 offer 緊同之前一樣,即係 airtime 1.25 baht 1 分鐘加每日 49 baht 任上網,打長途電話都只係 3 baht 一分鐘。 我地亦買咗張唔駛上網嘅卡俾 Catherine 等我地如果分開車或者分開活動都可以保持聯繫。有咗一個咁全面咁抵嘅通訊系統, 我地成個 trip 確係少好多麻煩同壓力。

 

*註:一蚊港紙大約等於四蚊泰銖

 

交通篇

 

今次因為時間緊逼嘅關係,我地嘅小狼隊隊長老番一早喺香港已經喺部 iPad 嘅 Map 裡面 mark 好晒所有我地要去嘅地方。然後每次上的士前就 set 好個 waypoint. 加上我一口流利嘅四句泰文--「轉左」、「轉右」、「慢啲」同「停」,我地幾乎係通行無阻。唯獨是有一次好夜,我地影完相 drop Angus 返 hostel,我懶叻咁點咗個司機入咗去條細得濟嘅窄巷度去送 Angus 到間 hostel 個門口。最後搞咗差唔多 20 分鐘先掉到頭出嚟。駕車仲 high 花咗啲,真係好對個司機哥哥唔住!

 

住宿篇

 

今次我地 6 日 5 夜,頭三日住一間,之後 2 日住另 1 間。呢兩間 B&B 我地之前都無住過,因為唔平嘅。但係今次因為買到咁平嘅 Air Asia 機票所以有多餘錢住貴啲,就揀咗呢兩間我想住咗好耐,同埋影相會好靚嘅 B&B. 雖然第一間 Baan Pra Nond 對於我地喺佢地 property 影相有啲問題,但係我地最後都影晒我地要影嘅嘢,而第二間 Phranakorn Nornlen 更無問題不特止,仲要全程配合到不得了。佢地絕對對的住 The Land of Smiles 呢個美譽嘅嗰份熱情令我地非常感動!

 

飲食篇

 

我地今次好多相係揀咗喺餐廳影,同埋好彩有咁多人一齊,於是我終於可以喺泰國叫好多嘢食!!相比起以前成日淨係得我地兩個口子都叫唔到啲乜(雖然我嘅「叫唔到啲乜」已經係正常人嘅 3 倍)。最開心嘅係,對食嘢有要求嘅 Catherine 同 Bobby 都覺得大部份地方啲嘢都好好食。因為我知道個個人要求唔同丫嘛,所以之前非常、非常擔心我帶佢地去食嘅嘢佢地會覺得唔好食。但係最後佢地都食得開心,咁我亦都放心晒!之不過另外一個我最擔心嘅情況都係發生咗--我地因為第二日至第五日要影相嘅關係,搞到 Catherine 同 Bobby 嗰幾日成日要等等等等等好耐先有飯食,餓到處於發育時期嘅年青人暈咁濟!雖然最後都等到同食到好嘢,但等嘅過程的確係無陰功!

 

化裝篇

 

其實講返轉頭,今次呢個旅程會成行係全因為 banquet 個場地太貴嘅關係,我地好多其他地方都要收緊開支。又要貪心去泰國影相嘅我地唯有自組團隊,而唔係用外面啲 overseas pre-wedding package. 一來我地唔想俾咁多錢影相,二來佢地收你幾萬蚊淨係俾你影幾個鐘,仲要只包三、兩個景點同一、兩套衫,我覺得我係傻嘅先會俾呢個錢出嚟。唔係傻只係低能嘅我就諗住自組團隊買機票,揾化裝師、攝影師、styling 同買衫,等我鍾意去幾多地方、換幾多套衫都得!

 

之前有提到我上網揾咗一位嚟自布吉嘅阿 Oh 幫我化裝 set 頭。本來我地講好咗第一日同第四日因為淨係得半日,所以佢會化好個裝、整好個頭就走。然後第二同第三日會由早上幫我地到五點左右。包埋第一日開始化裝前會幫我做一個 Shiseido 式嘅面部按摩,總共收我 2750 港紙。你無睇錯我亦無打錯,兩個半日同兩個全日嘅 service 加埋個專業按摩都只係收咁多錢!首先講佢個按摩,真係 relaxing 同舒服到不得了。阿 Oh 之前喺 Shiseido 度做咗十年,係元老級化裝師(但係其實佢好後生,只係好後生開始做),所以喺 Shiseido 度 master 咗呢套面部按摩返嚟。佢一路幫我做嘅時候我一直喺度諗,如果之前嗰兩個化妝師無放到我飛機我真係唔知點算!

 

一向好唔鍾意化裝嘅我,其實每一次就算係俾專業人氏(包括幫 artiste 化裝嗰啲)幫我化,我化好之後照鏡永遠都覺得好肉酸。呢個好明顯唔關人地手勢事,係我自己睇唔慣自己化舞台化裝個樣。但係今次由阿 Oh 幫我化第一個妝開始,每一次化好後,我都覺得好靚(好唔知醜添,hehe)!可能係佢幫我化得好自然嘅關係,我亦可以表現得好自然、好有信心。呢份信心,絕對係令到啲相出到嚟效果好好一個好重要嘅關鍵。

 

另外就係 turned out 阿 Oh 係完全無 follow 之前傾好嘅時間--佢唔係無返足,而係返凸晒!第一日因為 Angus 澳門落大雨班機 delay, 阿 Oh 最後搞到成九點幾十點先走。第二日同第三日阿 Oh 都朝早九點幫我地幫到凌晨一、兩點!因為佢老公之前喺 email 有同我講唔想阿 Oh 咁夜走因為佢要返外家瞓,而外家係喺曼谷嘅邊皮地帶。我一直叫佢走先、走先,但係佢因為想我地效果好啲,想跟到我地影完為止,而我因為排到啲嘢好夜,所以阿 Oh 都好夜先肯走!一路過程當中佢唔單止幫我睇頭睇妝,佢仲會幫我地諗 concept, 諗 pose, 睇吓點樣出到嚟個效果會好啲。2750 港紙兩個半日同兩個全日加埋按摩已經係一個超現實嘅價錢,佢仲要幫我地做埋助導,平時內斂嘅老番都不停喺度碎碎念話我地真係好好彩揾到阿 Oh!而當我唔係同好好人士嘅阿 Oh 傾緊計嘅時候,就係心裡面充滿住無言嘅感激!

 

所以忍唔住要幫佢賣吓廣告。因為阿 Oh 之前都係要幫 Shiseido 週圍飛去化裝,所以佢都慣咗宜家接婚禮化裝或者幫人影相化裝要週圍飛。如果去開泰國任何地方影相或者結婚而好似我咁想自組團隊嘅朋友,可以聯絡佢。佢老公負責回覆嘅 email 快精準。 我可以斗膽同你講你都幾難可以喺泰國以呢個價錢揾到個好過阿 Oh 嘅人選!阿 Oh 嘅網頁 www.makeupinphuket.com

 

影相篇

 

因為 Angus 之前交帶落係會同我地影 4 日 3 夜,所以我地揀咗喺我地本先一早買咗機票呢個 6 日 5 夜嘅 trip 第二日至第五日影相。我之前太緊張驚去唔晒想去嘅地方,於是排到個行程密麻麻。其實我已經 cut 咗好多地方,但最後因為 Angus 極度盡責,每個地方都試好多角度同燈光效果,希望盡量影到最多同最好嘅相俾我,所以呢 4 日 3 夜 Angus 幾乎係無停過手,由落機影到上機!專業嘅 Angus 帶咗好多、好多張 memory card 過去,但係最後都唔夠影,要抄咁啲相落我部 Mac Book Air 度騰空啲位出嚟。初先仲以為唔知部 card 機定條 cable 有問題,試咗好多次都連接唔到,驚到我死會唔夠 memory 留俾最後嗰日影。最後終於駁到喇,但係我部電腦就唔夠位存相!搞到我要鏟走晒成個 Microsoft Office 同 Adobe 好多無用嘅 files. 最後都抄到晒啲相去我部機度,個過程好不刺激!

 

話說我未去之前因為都知自己係烈火大姑奶,而我真係好重視 Angus 呢個朋友,所以我唔想因為呢個 project 而同佢有摩擦。但係今次係搞結婚、去旅行仲要有工作關係夾雜喺裡面,簡直係最大鑊嘅情況炒埋一碟!有乜方法我可以避免摩擦嘅發生呢?於是乎我問定 Clara, 佢之前俾錢人地出邊影相最後攞返幾多幅相。Clara 話大概都只係 30 幅左右,我就決定同自己講,只要呢 4 日 3 夜 影嘅相有 30 幅係 ok 嘅我已經心滿意足。從來一句都無問過我會俾幾多錢佢嘅 Angus 幫我影咗超過 5000 副相!而我喺過程當中好心急咁喺佢部相機度要睇 preview 時,一定超過 30 個「嘩!好靚呀!嘩!好靚呀!」。而最後喺電腦度睇 confirm 咗我滿意嘅相仲竟然超過 300 幅!令我覺得呢次揾 Angus 幫我影結婚相係我人生中其中一個最好嘅決定!

 

我咁鍾意啲相係因為 Angus 影嘅相完全絕對係 exactly 我原本想要嘅效果。我好快會 upload 啲相喺呢度俾大家分享。Meanwhile, 如果想聯絡 Angus 影結婚相可以致電 63860888 揾佢!

 

 

Oh oh oh oh oh…

 

繼續講去曼谷影結婚相嘅籌備過程。

 

之前提到攝影師 confirm 咗喇,仲有人喺我地飛之前幫我地揀好晒衫做好 styling 添。咁去到嗰邊邊個幫我化裝呢?

 

去到呢個位唔可以唔介紹一下過去十年嚟幫我化裝剪頭髮嘅 Leon. 話說我有一位中學同學之前喺 Wall Street Journal 度做 lab assistant, 而 Leon 當時就係喺嗰間分校度學英文。我個 friend 都算係一個健談嘅人,所以就同 Leon 做咗朋友,更開始揾佢剪頭髮。我亦喺呢位朋友嘅介紹下開始揾佢剪頭髮喇。

 

Leon 剪頭髮真係好有心機,同好用心。你見佢會為咗份工可以同手上嘅外國客人溝通好啲而去學英文,佢工作態度嘅認真已經可見一斑。所以我後來都有將佢介紹俾更多嘅朋友,而連一啲我朋友嘅闊太朋友都好鍾意佢添!喺我介紹嘅人當中當然唔少得我最愛嘅老番喇。念舊嘅老番幾十年以嚟都係返油麻地揾返同一個師傅剪髮。但係我硬係覺得老番可以更靚仔。經我多番說服後老番終於肯試吓俾 Leon 剪。試過一次之後就從此無再返油麻地剪頭喇。

 

後嚟 Leon 更加想再拓闊自己嘅業務而去學埋化裝。所以後嚟我除咗會揾佢恤髮以外,每逢有婚宴或者需要去一啲隆重打扮嘅場合,唔曉化裝嘅我仲會揾佢化埋裝添。經過多次嘅經驗,Leon 可以令唔鍾意化裝嘅我都會對佢個手勢同 result 好有信心同感覺好舒服。

 

所以今次去影相,我最初步嘅計劃就係飛埋 Leon 過去幫我化裝。但係等咗好多個月,揾極辦法都揾唔到平機票(復活節檔期係全年去泰國最貴嘅時間),而如果加埋 Leon 已經相宜咗俾我地嘅費用我地都真係負擔唔嚟。雖然老番同我都極度唔想,但都只能打消呢個計劃嘅念頭。

 

好喇!俾唔起錢請個化裝師去,咁得返唯一嘅方法就係揾當地嘅化裝師喇。好彩泰國嘅網上文化已經係非常成熟,甚至可以話比香港走得更前。加上曼谷係一個極之依靠旅遊業嘅國家,所以佢地好多生意都會有網頁或者網址,包括自由身嘅化裝服務。所以我喺網上揾到唔少當地嘅化裝加髮型師。但因為我有個 friend 阿 Grace 提醒我之前佢地 on tour 去到美國揾咗一個泰國籍嘅化裝師,化到佢地人妖咁,所以我揀時都格外留神。如果我見到啲相唔多對路嗰啲會即刻 ban, 另外就係只化裝唔識 set 頭嘅就當然更加不能。最後喺有覆我同價錢啱嘅當中選擇咗一個。因為我特登預咗充裕嘅時間俾自己揾化裝師,呢位仁兄喺我地飛之前一個月 send email 嚟話要甩我底。咁好啦,我再揾第二個啦。今次喺我相信已經睇晒全曼谷嘅化裝師嘅網頁之後,揀到個印度女仔,個 portfo 都好似樣嘅。但係佢竟然喺我地臨去之前4日放我地飛機!呢啲時候當然我唔會同去客氣,覆返個 email 嘴咒到佢飛起。

 

得返四日,而我已經睇晒所有睇得嘅有關網址,但係已經再揀唔落手,於是我開始感覺到徬徨。我一路喺心裡面 go through 自己睇過嘅網頁,諗吓仲有咩辦法。喺呢個時候我就諗到試吓最後一著。 我留意到我望過嘅 portfo 裡面,好多係外國人去飲揾人化裝 set 頭。所以我試吓揾啲曼谷嘅 expat website 嘅 forum, 試吓揾吓有無人介紹。而曙光亦係呢個時候出現!

 

我 post 完我條問題之後,好快就有人覆我。喺好多唔係好有建設性嘅回覆裡面我見到一個人話自己老婆之前喺 Shiseido 做咗十年化裝師,宜家自由身幫人化裝整頭,然後留咗個私人 email 地址俾我,有見及此我就用 email 聯絡佢。唔似得好多之前我聯絡嘅酒店又好、化裝師又好鬼死咁耐先覆 email, 呢位 Geoff 同我一個接住一個 email 咁溝通,佢俾我嘅回覆更加係到題、清晰同好 make sense. 最緊要係我睇過佢地個 portfo 非常喜歡,而且價錢又啱,所以我已經諗住 confirm 佢。但係呢個時候就出現一個小波折。因為佢地其實係住喺布吉嗰度,而所以佢老婆阿 Oh 係要搭飛機去曼谷幫我化裝。為咗安全計佢地希望收咗我 deposit 先。當然我聽到都不期然會擔心佢地又會不會收咗我錢然後失蹤呢?於是乎我好老實咁同佢地話,當日已經係星期六,而我禮拜三已經飛,就算我禮拜一即刻過錢去佢地分分鐘禮拜三都未收到。我俾晒我酒店名同 check-in 名俾佢地叫佢地打去 check 我真係有 book 到房,有咩事可以去揾我,唔駛怕我失蹤。Geoff 睇完後亦好信任我,同我 go through 完嗰幾日個行程之後,就幫我約實佢老婆喺邊度 meet.

 

我寫呢篇 blog 嘅時候已經係影完相返嚟。我可以話俾你聽我個總結--我咁情急底下揾到阿 Oh 一個咁好嘅人幫我化裝整頭,我相信我係唔知幾多生修嚟嘅福分。佢有幾好,我會喺 post pre-wedding photo 嗰篇再同大家仔細分享。首先俾有興趣嘅朋友阿 Oh 嘅網址 www.makeupinphuket.com

 

 

2012 年度最佳服裝指導

 

好喇,之前決定咗結婚相攝影師嘅人選,我地就要開始揾 reference 俾 攝影師 Angus. 我地其實之前有構思過我地結婚相嘅概念同主題。我地一致決定我地唔會要影打晒 soft lens, 執相執到成幅畫咁同塊面無晒輪廓嘅嗰種相。

 

No offense. 其實一路上網揾 reference 都見到好多呢類相,都覺得好多呢啲相整體都好靚。之但係我地正正就唔係要影最靚嘅相。可能我同 Francis 都好 aware 每件事都應該保持自己嘅 style 先係最適合,所以我地想影到啲相係貼近真實嘅我地,包括我地嘅個性同風格。平時我地兩位都唔係姿整王,而都係走搞笑同 down to earth 路線。所以我地覺得如果我地突然變咗公主王子或者荷李活巨型咁出場,我地啲朋友唔驚我地自己都嚇親。

 

另外我地都覺得擺吓啲普通 pose, 譬如拖住手於白浪拍岸處深情對望呢啲都唔係我地嘅 style. 我地最後決定揾咗一批類似以下嘅相俾 Angus 做 reference.

 

 

到底呢個係咩嘅概念同主題你地估唔估到呢?到時啲相影好返嚟我地就會 upload 上嚟開估俾你地知㗎喇!

 

當我地決定好晒主題之後,Francis 就話服裝造型一定都要人地幫手。我本來諗住 Francis 著衫都好睇,但係謙虛嘅老番話自己一啲都唔專業,一定唔可以靠佢!呢個時候我地就一齊諗起揾我地個 Wholala 屋企人求救喇!

 

我個八妹(係真係第八個妹)Jammie Ting 丁乙,無輪佢係去 party, 落街買糖水、定係去打羽毛球,一睇佢個造型就知佢係長期停留喺服裝潮流嘅尖 deung 處。加上佢之前幫我地屋企人 Angus 同 阿 Day 隊組合 A-day 出騷做 styling 多次都令到兩位眼前一亮。雖然我已經退出台前,styling 呢啲嘢已經同我無關,但係都令我滿心羨慕。估唔到原來有一日我可以有幸 benefit 到 from Jammie 嘅 talent,實在令呢個完全無 visual 同 fashion sense 嘅我開心、放心又感恩!

 

呢幾個禮拜我都喺淘寶揾衫(係,慳家同懶到出汁,唔想出街行街買衫)。因為丁姑娘好忙嘅關係,我揾到啲相就 whatsapp 俾佢睇,譬如我著呢套時,Francis 就著呢套,會喺呢間餐廳度影,佢就會話俾我聽 o 唔 ok, 唔 ok 我就再揾。佢亦好有心機揾咗好多 reference 俾我要求我揾大概點樣嘅衫同 accessories, 極度細心同仔細之餘,佢亦好尊重我地自己嘅品味,成日同我地 make sure 我地覺得呢個造型舒唔舒服,因為專業嘅佢知道如果我地太唔鍾意,著到無晒表情都無意思。

 

 

我地一路喺 msn 同 whatsapp 度將啲相同啲 link 發嚟發去,唔駛見面都可以做到大部份 styling, 我覺得好好玩同好 productive. 不禁要承認,如果我早十年五年結婚就無咁方便、無得咁玩法喇!啲衫宜家搞到七七八八,而 Jammie 會喺我地臨出發之前兩日上嚟我地屋企做 final fitting. 希望你地同我地一樣咁鍾意出嚟個效果啦!

 

image

 

Pre-Pre-wedding Photo 全紀錄

 

其實我同老番都一把年紀,如果我地話拍咗拖四年一句有關結婚嘅嘢都無傾過去扮晒唔知大家點諗就呃你嘅!有我地 Facebook 嘅朋友都知道我地兩個都好鍾意泰國,一年去唔到三次都有兩次。我地之前去親曼谷好正嘅地方都講過幾次第時一定要去曼谷影結婚相。老番喺 2011 年 10 月 1 號同我求婚,雖然佢無特登夾,因為佢都無留意,但係有陣時夾都無咁準,我地可以喺 2012 年復活節用好平嘅價錢去曼谷影結婚相。

 

Book 機票篇

 

點解 10 月 先嚟 book 復活節呢個全年最 high-season 嘅機票都可以平呢?話說我個好朋友暨 The Loving Tree 嘅義務會計師 Catherine,之前成日見我 post 去曼谷啲相,就有提過揾次一齊去曼谷。咁喺 2011 年復活節期間,Air Asia 一如以往推出一年後嘅平機票。即係如果你買一年後嘅機票,可以平起碼半價。我同 Catherine 收到 email newsletter 見到呢個 promotion, 即刻較定鬧鐘喺 promotion 嗰日一早起身上佢地個網站諗住買 2012 年復活節檔期嘅機票。 其實估都估到,呢個世界仲有大把人同我地一樣咁鍾意慳錢。所以 Air Asia 個網站 hang 晒,完全 book 唔到。我地見就見到 $1300 左右一個人來回曼谷嘅機票呀,但係入完 credit card 號碼就 hang 住,一直都 load 唔到。試咗幾次都係咁,諗住無望矣,就 close window 諗住離開放棄。點知無咁容易低頭嘅 Catherine 再 click 吓 click 吓,發現到如果由澳門起飛,幾百蚊就可以來回曼谷,加上佢人脈廣可以有免費去澳門船飛,簡直係完美嘅配搭!Book 由澳門出發嘅竟然係好順利就用信用卡俾到錢!可惜……我地都嚟不及開心,當 Catherine 諗住 check email 睇睇個 booking confirmation 時,就發現原來之前香港出發個 booking 同澳門出發 Air Asia 都 charge 咗我地錢!!咁我地諗住同 Air Asia 講返叫佢退返啲錢俾我地啦!想就容易喇!呢間豆泥公司,我地最後用咗三個月時間幾經辛苦先可以攞返香港嗰程啲錢,真係少啲耐性同固執都唔得。咁到底我地係點攞返嗰呢?

 

話說就係,Air Asia 死都、死都、死都唔肯退返錢俾我地--我地打咗無數個電話同寫咗無數個 email 佢地都淨係用一啲 copy and paste 嘅 standard email 回覆我地,話淨係可以 credit 返入我地個 record 度,仲要我地 3 個月裡面用咗佢!!我絕對唔係一個電腦白癡,而且上網買嘢分分鐘多過佢地成 team C.S. 加埋食米。香港個 booking, 我肯定佢無 complete 個 transaction 我先離開個畫面,但原來佢地喺 back-end 過咗數!佢地呢個死霸住我地啲錢唔俾返我地嘅行為,令我同 Catherine 都谷氣到死死吓!喺呢個時候,我醒起好多年前有試過類似嘅經驗,知道如果證明到間公司貨不對辦,或者無 as promised deliver 到個 product 或者 service, 卡主係可以透過 credit card 公司攞返啲錢。於是乎,我連同所有 email record 同 Air Asia 啲 C.S. 嘅電話談話時間同內容,寫咗封 12 頁嘅信去 credit card 公司。等咗頭尾大概 3 個月時間,credit card 公司全數俾返晒啲錢我地。

 

經歷過呢三個月,我啲寫 complain letter 嘅能力大幅度提高。同埋有我呢個前科,如果睇到呢篇 blog 嘅你地有類似嘅經歷,要知道千祈唔好向呢啲騙子公司低頭,只要有證據,係真理必勝㗎!

 

攝影師篇

 

雖然呢次經歷崎嶇咗啲,但係就係因為咁,我負擔得起請我個三妹 Angus 幫我去曼谷影結婚相。當我地決定咗用復活節嗰程曼谷遊做影結婚相之旅,我二話不說就決定請 Angus 去幫我地影相。之但係,當我同 Angus 講嘅時候,佢嘅反應係:「但係我唔係影開相㗎喎……」你可能諗點解我會咁沙扑請個話自己 “唔係影開相” 嘅人幫我影結婚相呢?原因有二。第一、Angus 的確唔係影開相,而係拍片嘅。但係佢 direct 嘅短片我都好欣賞同 support. 加上我見佢平時攞住部相機喺啲 party 度求祈影吓嗰啲我都覺得好靚,可能係因為拍片同影相始終係血脈相連嘅啦。第二個原因係,如果得兩個人俾我揀,一個影相叻啲,但係無咁 friend,一個 friend 啲但係無影得咁好,我一定係揀後者。何況我覺得 Angus 已經影得好夠好!所以最後 Angus 話 ok 後我就加買張機票俾佢過去做我地嘅攝影師!而我亦同 Catherine 道歉,因為會用咗幾日時間影相。大方得體嘅 Catherine 話無問題,仲話可以同佢個仔亦係我契仔 Bobby 一齊幫我地做助手添!一個影結婚相之旅就係咁就 confirm 咗喇!

 



Photo Courtesy of Kayi

 

Santa Connie

In a section of our cocktail party, we are going to need lots of candies. Needless to say, the first place I try to look for them is TAOBAO!! And of course, this place where they have everything did not fail to return some hits of candies of a huge variety. Just that, other than the categories of humans and livestock, foods is one of the very few categories which I have never purchased from Taobao. Apparently, the reason is because I have heard enough of the food manufacturing scenes in Mainland China and I want to minimize the chance of swallowing their output into our bodies. After doing a quick skim through of the available candies in this shopping heaven, since these candies are for my guests’ consumption, I decided to not get my candies there.

 

Then I diverted my attention to local candies. Here in Hong Kong, there is this chain of HoneyBee pick-and-weigh candy stores that are the most well-known and popular locally. I decided I would get my candies from them. However, when I looked up their product shots on their website, I found the products look really familiar- aren’t they the same candies that I had seen on Taobao!? I was trying to go for quality and turned my back to our Mother Land but it seems that they have penetrated our everyday lives in more ways that we have thought of! I am left with no other options but to go for these local stores. I shall keep my fingers crossed for a miracle that these products only look like those sold on Taobao by coincident…

 

Yet, the candies available at HoneyBee do not have some must-haves like jelly beans and rock candies. Well, we do have jellybeans in Hong Kong but they are of the luxurious brand Jelly Bean which is going to cost me tens of thousands for the amount I need. I then looked into some online candy stores that ship internationally. But we’re talking about shipping from the North American to Asia. These stores warn especially about the high chance of candies melting and breaking during delivery of such a long distance. I was completely stuck without knowing what to do. My determination to get them had me try my luck to ask on Facebook to see if any of my friends who still reside overseas (preferably the USA) would be coming back to Hong Kong during these times. I planned to order the candies online and ship to my friend in the US and then my friend help me hand-carry the candies back to Hong Kong for me. Then my Santa replied.

 

Connie Leung, my high school friend at Earl Haig in Toronto, lives with her family which includes 2 pretty children in Fairfax, Virginia. Connie and I haven’t met in plenty of years. Basically, it is as many years as I have graduated from Earl Haig. But our distance did not stop her efficiency in replying my call for help on Facebook. Without much questioning, hesitation and doubt, Connie told me it was ok for her to help me bring stuff back to Hong Kong. She was even so generous to have given me a 15 lbs quota to fill! Since I will be having lots of children at my cocktail party, I am going to need a giant amount of candies in total. Connie being able to help me bring back a whole 15 lbs is a BIG blessing and relief to me.

 

The order and my communication with Connie went smooth. Being consistent with her promptness, as soon as Connie came back to Hong Kong, she informed me my stock was ready for pickup. As I need to work full day everyday, I had my maid, Maricel, to pick up the candies from Connie’s home so as not to keep her waiting.

 

It is everyone’s wish to have a friend who is so doubtless and devoted to help in times of trouble. I have one. She is Connie and she is my Santa this year.

 


Candies stored at the freezer for later use.

 

128 kbps vs 192 kbps

嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!好犀利呀!!

 

今次真係要讚吓自己叻!

 

我呢位八十年代嘅兒女,今次 Wedding Party 梗係唔少得一個八十年代 嘅 Medley 時間(之前 Francis 喺另外一個 blog 度都有提及過我地揾歌個過程)。我平時去人地嘅婚禮,如果有呢個環節嘅話好多時都係個 DJ 揀歌,啲歌就會有啲識有啲唔識(我講我自己啫)。今次自己 party, 為咗貫徹呢個 DIY 嘅理念我梗係會自己揀歌同自己 mix 埋個 medley. 之單係我就擔心,呀,如果自己求其上網 download 啲 mp3 個 quality 會唔會同現場播碟或者播 CD 個質素同個效果差好遠呢? 於是乎我就質詢一下我呢方面個專家好友 Edward Chan 喇。根據佢所講,mp3 唔係唔得,不過起碼要 192 kbps 以上嘅先好攞出嚟 fung, 如果唔係個效果會好差。我開頭就諗住死啦,平時 download 嗰啲九成都係 128 kbps, 我要揾成差唔多 50 首,要揾齊全部 192 kbps 以上(仲要係舊歌)咪有排揾?!加上 download 嘅時候要續隻 check 吓個 bit rate 咪好煩?我又有諗過試吓吹雞叫所有人集齊有關嘅 CD ,慢慢 rip 返我要嘅歌出嚟。但係我諗起個工程好似好龐大,好似唔係好值得咁做。之後又醒起,我聽講過 Edward Chan 隻耳係犀利到識分別 44.1 mhz 同 48 mhz, 咁我其實係咪唔駛理佢呢?=p 不過佢平時係一個唔係點 heah 人 嘅人,所以我覺得佢答得我我都應該要信佢。於是乎,我做完咗一部分嘅佈置上嘅 sourcing 就試吓上網做賊 download 歌喇。

 

我仲記得只係前一、兩年,除咗上搜狗以外,要上網 download 個別嘅英文 mp3 都有若干嘅難度,因為喺外國只要有人 upload 一隻歌,就會好快俾人掃蕩,即係好似我地嘅微博俾人河蟹一樣。但係原來今時唔同往日,原來喺 google 度好容易揾到一啲好似搜狗嘅英文版咁,即係一啲本身無存儲 mp3 嘅 網站,但係就作為中介搜尋器幫你揾吓啲歌邊度有得 download. 最正嘅係,喺你 download 之前 display 埋隻歌嘅 quality, duration 同 size. 之但係我話晒都要 download 差唔多成 50 首,所以都要喺幾個呢啲嘅中介搜尋 website 度揾先揾得齊。呢啲 website 包括: http://www.mp3skull.com, http://www.mp3ion.com, http://www.beemp3.com.

 

最後,我用咗一晚時間,將我所有要嘅快歌都 download 到晒 high quality 版!我之前喺度擔心件事會好艱鉅都只係一個禮拜前嘅事,但係宜家已經 mission completed! 好開心!雖然最後自己都可能聽唔出 128 同 192 kbps 嘅分別,但係宜家硬係凝住 what I have is 正嘢嚟嘅!下一部就係到 mixing 喇。不過宜家好眼瞓,要瞓覺先!nigh nigh and thank you, Edward Chan!

 

問題怡童

最近公司有好多嘢要 launch, 搞到我少咗時間幫手諗 wedding 啲嘢。Joey 又成日話自己 visualization 好差,好多嘢都幻象唔到個效果會點,但係宜家呢個階段諗緊佈置就係要超多嘢要 visualize, 所以好多嘢佢都要問過我先有信心決定。喺我呢排忙緊嘅時候,好彩有 Juju 幫手。

 

Juju 係一個 product designer, 佢嘅得意之作係 logon 都有得賣嘅 Panpan Dada 同 miniature 中國櫈。 Joey 係 through 佢自己最好嗰班朋友 Wholala 度識 Juju,佢地近幾個月仲開始一齊打羽毛球。之前 Joey 個網店 chocolate-circle.com 有單大柯打去杜拜都係全靠 Juju 搬住屋都仗義相助幫 Joey 包裝。我認識嘅 Juju 喺 Joey 口中同我有一個共通之處,就係都係 visual 人,即係話大家嘅方向感同空間比例感都好好咁話。聽 Joey 講佢最近幾次見到 Juju 都幾十條問題倒落佢個頭度,由教堂到飯枱佈置佢都俾到好好嘅意見俾到阿問題怡童,最緊要係佢幫我地解決咗一個令到我地好頭痛嘅 entrance display 問題,真係好不大嘅 relief! 我喺呢度要同 Juju say thank you. 但係 Juju 請你千萬唔好誤以為多謝完件事就完咗,我相信嚟緊我地個問題怡童會不斷升 le, 真係要靠你幫我接咁啲喇!Thank you first!

 


Juju 的 作品 Panpan.

 
Our Recent Blog Posts
Pages: 1 2 ... 5
Counting Down to our Big Day!

Calendar
April 2018
M T W T F S S
« Aug    
 1
2345678
9101112131415
16171819202122
23242526272829
30  
Wanna talk to the donuts?